TNTET: 5-ஆம் வகுப்பு சமூக அறிவியல் - பாடக்குறிப்புகள் (பருவம் 1, இயல் 2)

 TNTET: 5-ஆம் வகுப்பு சமூக அறிவியல் - பாடக்குறிப்புகள் (பருவம் 1, இயல் 2)

 மானுடவியல் (Anthropology)

• மனிதகுலத்தின் வளர்ச்சி மற்றும் வரலாற்றை ஆய்வு செய்யும் அறிவியல் பிரிவு மானுடவியல் எனப்படும்.

• தொடக்க கால மனிதர்கள் கிழக்கு ஆப்பிரிக்காவிலிருந்து உலகின் பல்வேறு பகுதிகளுக்கு இடம்பெயர்ந்தனர்.

2. கற்காலத்தின் நிலைகள் (Stages of Stone Age)

தொல்பொருள் ஆராய்ச்சியாளர்கள் கற்காலத்தை மூன்று நிலைகளாகப் பிரிக்கின்றனர்:

• பழைய கற்காலம் (Paloelithic Age): மனிதர்கள் வேட்டையாடுபவர்களாகவும், நாடோடிகளாகவும் வாழ்ந்தனர். சிக்கிமுக்கி கற்களைக் கொண்டு நெருப்பை உருவாக்கினர்.

• இடைக்காலம் (Mesolithic Age): சிறிய மற்றும் கூர்மையான கருவிகளைப் பயன்படுத்தத் தொடங்கினர்.

• புதிய கற்காலம் (Neolithic Age): மனிதன் சக்கரம் மற்றும் வேளாண்மையைக் கண்டறிந்த காலம். இது மனித வரலாற்றில் ஒரு புரட்சிகரமான மாற்றத்தை ஏற்படுத்தியது.

3. முக்கியக் கண்டுபிடிப்புகள்

• நெருப்பு: சிக்கிமுக்கி கற்களை உரசுவதன் மூலம் நெருப்பை உருவாக்கினர். இது விலங்குகளிடமிருந்து அவர்களைப் பாதுகாக்கவும், உணவைச் சமைக்கவும் உதவியது.

• சக்கரம்: மலையிலிருந்து கற்கள் உருண்டு விழுவதைப் பார்த்து சக்கரத்தை உருவாக்கினர். இது போக்குவரத்தையும், மண்பாண்டங்கள் செய்வதையும் எளிதாக்கியது.

• வேளாண்மை: ஆற்றங்கரையோரம் தானியங்கள் தானாக வளர்வதைக் கண்ட மனிதன், திட்டமிட்டு விவசாயம் செய்யத் தொடங்கினான். இது அவனை ஓரிடத்தில் நிலையாகத் தங்க வைத்தது.

4. பாறை ஓவியங்கள் (Rock Paintings)

• ஆதி மனிதர்கள் தாங்கள் வேட்டையாடிய நிகழ்வுகளைப் பாறைகளிலும், குகைச் சுவர்களிலும் ஓவியங்களாக வரைந்தனர்.

• தமிழ்நாட்டில் நீலகிரி (கரிக்கையூர்), விழுப்புரம் (கீழ்வாலை) மற்றும் கோவை (வெள்ளெருக்கம்பாளையம்) ஆகிய இடங்களில் இத்தகைய ஓவியங்கள் உள்ளன.

5. பழங்காலத் தமிழகத்தின் தொல்பொருள் ஆய்விடங்கள்

• ஆதிச்சநல்லூர்: தூத்துக்குடி மாவட்டம் (முதுமக்கள் தாழிகள் கண்டறியப்பட்ட இடம்).

• அரிக்கமேடு: புதுச்சேரி அருகே (ரோமானியர்களுடன் வணிகம் செய்ததற்கான சான்றுகள்).

• கீழடி: சிவகங்கை மாவட்டம் (வைகை ஆற்றங்கரையில் அமைந்த நகர நாகரிகம்).

---

முக்கிய வினா-விடை (TNTET மாதிரி)

1. மானுடவியல் என்ற சொல் எம்மொழியிலிருந்து உருவானது?

   • விடை: கிரேக்கம் (Anthropos - மனிதன், Logos - ஆய்வு).

2. ஆதி மனிதன் முதன்முதலில் பழக்கப்படுத்திய விலங்கு எது?

   • விடை: நாய் (பாதுகாப்பிற்காகவும், வேட்டையாடுவதற்காகவும்).

3. மனிதன் சக்கரத்தை எக்காலத்தில் கண்டறிந்தான்?

   • விடை: புதிய கற்காலம்.

4. இந்தியாவில் பழைய கற்கால மனிதர்கள் வாழ்ந்த குகை ஓவியங்கள் எங்குள்ளன?

   • விடை: பீம்பேட்கா (மத்தியப் பிரதேசம்).